بينما كنت نائما في القطار اثناء توجهه الي المنصورة ...غفلت عيني فجأة من
شده التعب ..فالمسافة ليست بالطويلة و لكن تعدد المحطات يزيد الفرد ارهاقا
بالاضافة الي صوت المحركات مع العلم بعدم وجود شباك ..فالهواء البارد يلفح
وجوهنا كالسوط !
و بينما كنت نائما اسرح بخيالي يومها ..فبالامس القريب اخترت افضل الأمرين و ما أسوا ان تختار بين امرين احلاهما مر ..فقد اخترت مرسي نكاية في شفيق و ليس حبا فيه ..ولعله يكون الافضل في المستقبل القريب و لعله يكون الاسوا ..و لكن قناعتي يومها ان الاسوأ قد رأيناه علي مدي ثلاثين عاما و لن يكون هناك اسوأ من هذا علي الاطلاق ..
و بينما كنت نائما ..سمعت صوتا صدر فجأة ..كان هذا الصوت الذي يشبه صوت _ بابور الحرث _ او يشبه صوت _الشكمان المخروم _ هو صوت بائع البوظة ..حيث صاح قائلا : _اشرب بوظة _ و عندها استيقظ كل من كان نائما في القطار !
و عنده صاح احد الركاب و هو رجل كبير السن قائلا : نشرب بوظة و ما نشربش ليه ما البلد كلها بقت بوظة و حتبقي بوظة اكتر من كده !!
و عندها تصدي لهذا الرجل الكبير شابا في ثلاثينيات العمر قائلا ..قصدك ايه يا عم الحاج اتفائل شوية بالخبر يمكن تلاقيه !
الرجل الكبير : خير !! خير مين يا ابني ..هما ولاد الكلب الشراميط دول ييجي من وراهم خير !
الشاب : قصدك مين ؟
الرجل الكبير : الاخوان !!
الشاب : هما عملوا ايه يا حاج ؟؟هما لسة عملوا حاجة !! تفائل شوية بس و الخير جاي ان شاء الله
الرجل الكبير : تفاؤل ايه .....الناس دي مش بييجي من وراها خير و بياخدوا اوامرهم من المرشد
الشاب: طب انا شاب اهوه و من الاخوان و بشتغل موظف هل انا بآخد اوامر الشغل بتاعتي من المرشد ؟؟
الرجل الكبير: انت حاجة و هما حاجة تانية خالص و بعدين البلد مش ناقصة اخوان هيا ناقصة فشل !!
الشاب :طب انت اللي مضايقك ايه ؟؟
الرجل الكبير : انا كنت عايز شفيق ينجح
الشاب : انا كنت عايز مرسي ينجح و اهو نجح .. و انا شايف انه بغض النظر عن الاخوان اللي مش عاجبينك ..انه راجل كويس و وطني ..و لا انت رايك ايه يا استاذ ؟؟
و عندما وجه الي هذا السؤال فتبسمت قائلا : انا كنت عايز الاتنين يسقطوا و ابو الفتوح اللي ينجح .
الشاب : بس مرسي كويس
انا : الايام هيا اللي حتقول ..و حتقول ان جماعته هيا اللي نجحته و طلعته فوق او فشلته و سحبته لتحت
الشاب انا شايف ان مرسي احسن واحد في المرشحين
انا : انا شايف ان مرسي و شفيق أسوا اتنين مرشحين و لما يظهروا في الانتخابات في الاعادة يتضح لك ان الشعب اختار ازبل اتنين !! ابو الفتوح ماله ؟؟؟العوا وحش ؟؟؟ انا آخر حاجة كنت اتوقعها ان مرسي يعيد مع شفيق ..انا اتصدمت في الشعب ده ..الجهل له دور كبير برده .
الرجل الكبيير : و الزيت و السكر و الضحك ع الغلابة لهم دور اكبر
و عندها تدخل _بائع البوظة _ في الحديث بصوته الجهوري الفظيع ..الذي يشبه صوت البندقية 7.62 *39 قائلا :
ايييييييييييييه محدش عايز بوظة ..البوظه حلوة يا بلد بوظة قبل الثورة و بعدها !!
قفلت عندها : علي رايك هو فيه حد عنده عقل يعمل ثورة عشان في الاخر يروح ينتخب شفيق !! ايه الهطل ده !!
الرجل الكبير : بكرة تترحموا علي مبارك ..د عمل بنية تحتية حلوة للبلد و ممكن ايامه تروح السوق تعرف تجيب الاكل منه ..د النهارده كيلو البطاطس في السوق ب 3 جنيه و نص ..و محدش يقول لي كان حرامي و بتاع لانه كان بيقول اسرق بس خلي الشعب يعيش ..د انا كنت ايامها موظف في المركز و كنت بمشي اقول يا ارض اتهدي ما عليكي قدي و ماكنت حد يقدر يعمل لي حاجة ..و كان الواحد عمره ما استلف من حد مليم !!
عندها ادركت .ادركت لماذا اختار هذا الرجل شفيق في الانتخابات !!
الشاب : انا بقة قالوا لي ان مرسي كويس و حيعمل مشروع النهضة في 4 مراحل و حيزود استثمارات البلد 200 مليار في اربع سنين عشان كده _كلنا روحنا انتخبناه _ !!
عندها قلت في نفسي ..حلوة _قالوا لي _ بتاعتك دي ..مفيش حد عارف حاجة ..
و عندها توقف القطار في احدي المحطات و توقفت محركاته بصوتها المزعج و لكن صوتها لم يكن بمستوي ازعاج صوت بائع البوظة الذي انتقل من هذا القطار الي القطار المقابل ليبيع البوظة قائلا :
اشرب بوظة عسل نحل يا بوظة
..و عندها تيقنت اننا اضحينا مثل هذا الرجل الذي يبيع البوظة ..و ما الثورة المصرية الا كمثل هذا القطار ..الذي يحمل العديد من الناس في غرفة واحدة ولكن الناس بتوجهاتها و تفكيرها مختلفين اشد الاختلاف و متشرذمين متنافرين في اشد الاوقات التي لابد لنا ان نتحد فيها لنواجه مصيرنا
حقا ..ياليتني بنضج المستوي الفكري لبائع البوظة !!
و بينما كنت نائما اسرح بخيالي يومها ..فبالامس القريب اخترت افضل الأمرين و ما أسوا ان تختار بين امرين احلاهما مر ..فقد اخترت مرسي نكاية في شفيق و ليس حبا فيه ..ولعله يكون الافضل في المستقبل القريب و لعله يكون الاسوا ..و لكن قناعتي يومها ان الاسوأ قد رأيناه علي مدي ثلاثين عاما و لن يكون هناك اسوأ من هذا علي الاطلاق ..
و بينما كنت نائما ..سمعت صوتا صدر فجأة ..كان هذا الصوت الذي يشبه صوت _ بابور الحرث _ او يشبه صوت _الشكمان المخروم _ هو صوت بائع البوظة ..حيث صاح قائلا : _اشرب بوظة _ و عندها استيقظ كل من كان نائما في القطار !
و عنده صاح احد الركاب و هو رجل كبير السن قائلا : نشرب بوظة و ما نشربش ليه ما البلد كلها بقت بوظة و حتبقي بوظة اكتر من كده !!
و عندها تصدي لهذا الرجل الكبير شابا في ثلاثينيات العمر قائلا ..قصدك ايه يا عم الحاج اتفائل شوية بالخبر يمكن تلاقيه !
الرجل الكبير : خير !! خير مين يا ابني ..هما ولاد الكلب الشراميط دول ييجي من وراهم خير !
الشاب : قصدك مين ؟
الرجل الكبير : الاخوان !!
الشاب : هما عملوا ايه يا حاج ؟؟هما لسة عملوا حاجة !! تفائل شوية بس و الخير جاي ان شاء الله
الرجل الكبير : تفاؤل ايه .....الناس دي مش بييجي من وراها خير و بياخدوا اوامرهم من المرشد
الشاب: طب انا شاب اهوه و من الاخوان و بشتغل موظف هل انا بآخد اوامر الشغل بتاعتي من المرشد ؟؟
الرجل الكبير: انت حاجة و هما حاجة تانية خالص و بعدين البلد مش ناقصة اخوان هيا ناقصة فشل !!
الشاب :طب انت اللي مضايقك ايه ؟؟
الرجل الكبير : انا كنت عايز شفيق ينجح
الشاب : انا كنت عايز مرسي ينجح و اهو نجح .. و انا شايف انه بغض النظر عن الاخوان اللي مش عاجبينك ..انه راجل كويس و وطني ..و لا انت رايك ايه يا استاذ ؟؟
و عندما وجه الي هذا السؤال فتبسمت قائلا : انا كنت عايز الاتنين يسقطوا و ابو الفتوح اللي ينجح .
الشاب : بس مرسي كويس
انا : الايام هيا اللي حتقول ..و حتقول ان جماعته هيا اللي نجحته و طلعته فوق او فشلته و سحبته لتحت
الشاب انا شايف ان مرسي احسن واحد في المرشحين
انا : انا شايف ان مرسي و شفيق أسوا اتنين مرشحين و لما يظهروا في الانتخابات في الاعادة يتضح لك ان الشعب اختار ازبل اتنين !! ابو الفتوح ماله ؟؟؟العوا وحش ؟؟؟ انا آخر حاجة كنت اتوقعها ان مرسي يعيد مع شفيق ..انا اتصدمت في الشعب ده ..الجهل له دور كبير برده .
الرجل الكبيير : و الزيت و السكر و الضحك ع الغلابة لهم دور اكبر
و عندها تدخل _بائع البوظة _ في الحديث بصوته الجهوري الفظيع ..الذي يشبه صوت البندقية 7.62 *39 قائلا :
ايييييييييييييه محدش عايز بوظة ..البوظه حلوة يا بلد بوظة قبل الثورة و بعدها !!
قفلت عندها : علي رايك هو فيه حد عنده عقل يعمل ثورة عشان في الاخر يروح ينتخب شفيق !! ايه الهطل ده !!
الرجل الكبير : بكرة تترحموا علي مبارك ..د عمل بنية تحتية حلوة للبلد و ممكن ايامه تروح السوق تعرف تجيب الاكل منه ..د النهارده كيلو البطاطس في السوق ب 3 جنيه و نص ..و محدش يقول لي كان حرامي و بتاع لانه كان بيقول اسرق بس خلي الشعب يعيش ..د انا كنت ايامها موظف في المركز و كنت بمشي اقول يا ارض اتهدي ما عليكي قدي و ماكنت حد يقدر يعمل لي حاجة ..و كان الواحد عمره ما استلف من حد مليم !!
عندها ادركت .ادركت لماذا اختار هذا الرجل شفيق في الانتخابات !!
الشاب : انا بقة قالوا لي ان مرسي كويس و حيعمل مشروع النهضة في 4 مراحل و حيزود استثمارات البلد 200 مليار في اربع سنين عشان كده _كلنا روحنا انتخبناه _ !!
عندها قلت في نفسي ..حلوة _قالوا لي _ بتاعتك دي ..مفيش حد عارف حاجة ..
و عندها توقف القطار في احدي المحطات و توقفت محركاته بصوتها المزعج و لكن صوتها لم يكن بمستوي ازعاج صوت بائع البوظة الذي انتقل من هذا القطار الي القطار المقابل ليبيع البوظة قائلا :
اشرب بوظة عسل نحل يا بوظة
..و عندها تيقنت اننا اضحينا مثل هذا الرجل الذي يبيع البوظة ..و ما الثورة المصرية الا كمثل هذا القطار ..الذي يحمل العديد من الناس في غرفة واحدة ولكن الناس بتوجهاتها و تفكيرها مختلفين اشد الاختلاف و متشرذمين متنافرين في اشد الاوقات التي لابد لنا ان نتحد فيها لنواجه مصيرنا
حقا ..ياليتني بنضج المستوي الفكري لبائع البوظة !!
ليست هناك تعليقات:
إرسال تعليق